2024 Sequel Movies : సాధారణంగా ఓ సూపర్ హిట్ సినిమాకు సీక్వెల్ వస్తుందంటే దానిపై చాలా మంది సినీప్రియుల్లో దానిపై భారీ అంచనాలు ఉంటాయి. అలా ఈ ఏడాది మంచి అంచనాలతో బాక్సాఫీస్‌ ముందుకొచ్చిన సీక్వెల్ చిత్రాలు అరడజనుకుగా పైగా ఉన్నాయి. మరి వాటిలో జైత్రయాత్ర కొనసాగించినవెన్ని? అంచనాలు అందుకోలేక చతికిలపడినవెన్ని? చూసేద్దాం
రెండేళ్ల క్రితం డీజే టిల్లు చిత్రంతో సినీ ప్రియుల్ని కడుపుబ్బా నవ్వించిన యువ హీరో సిద్ధు జొన్నలగడ్డ, ఈ ఏడాది మరోసారి అదే పాత్రలో టిల్లు స్క్వేర్‌తో థియేటర్లలో సందడి చేశారు. మల్లిక్‌ రామ్‌ తెరకెక్కించిన ఈ సీక్వెల్ చిత్రం, మార్చి నెలాఖరున విడుదలై బాక్సాఫీస్‌ దగ్గర భారీ విజయాన్ని దక్కించుకుంది. టిల్లుగా సిద్ధు చేసిన అల్లరి, రాధికగా అనుపమ అభినయం, యాక్షన్‌ హంగామా మూవీ లవర్స్కు బాగా ఆకట్టుకుంది. ప్రస్తుతం ఈ సక్సెస్ఫుల్ మూవీకి కొనసాగింపుగా టిల్లు క్యూబ్‌ను తెరపైకి తీసుకొచ్చే ప్రయత్నాల్లో ఉన్నారు సిద్ధు.
నారా రోహిత్‌ నటించిన పొలిటికల్‌ థ్రిల్లర్‌ మూవీ ప్రతినిధికి కొనసాగింపుగా ఈ ఏడాది ప్రతినిధి 2 విడుదలైంది. మూర్తి దేవగుప్తపు దర్శకత్వం వహించారు. ఈ సినిమాకు సినీప్రియుల నుంచి మిశ్రమ స్పందన లభించింది.
ఈ ఏడాది సెకండాఫ్లో ముచ్చటగా మూడు సీక్వెల్ చిత్రాలు వస్తున్నాయి. వాటిలో రెండు సినిమాలు బాక్సాఫీస్‌ ముందు కాసుల వర్షం కురిపించాయి. పుష్ప : ది రైజ్‌ చిత్రంతో జాతీయ స్థాయిలో గుర్తింపు తెచ్చుకున్న అల్లు అర్జున్‌, ప్రస్తుతం పుష్ప 2: ది రూల్‌తో బాక్సాఫీస్‌కు వైల్డ్‌ఫైర్‌ను రుచి చూపిస్తున్నారు. ఇప్పటికే ప్రపంచవ్యాప్తంగా రూ.1500కోట్ల పైగా వసూళ్లను అందుకుందీ చిత్రం. త్వరలోనే రూ.2000కోట్ల మార్క్ను టచ్ చేస్తుందని అంతా ఆశిస్తున్నారు. ఈ సినిమాకు కొనసాగింపుగా పుష్ప : ది ర్యాంపేజ్‌ తెరపైకి రానుంది.
మత్తు వదలరా చిత్రంతో ఎంతటి హిట్ అయిందో ప్రత్యేకంగా చెప్పనక్కర్లేదు. దానికి కొనసాగింపుగా ఈ ఏడాది సెప్టెంబరులో మత్తు వదలరా 2తో వచ్చి మరో విజయాన్ని ఖాతాలో వేసుకుంది. శ్రీసింహా కోడూరి, సత్య, ఫరియా అబ్దుల్లా ప్రధాన పాత్రల్లో నటించారు. ఈ క్రైమ్‌ కామెడీ థ్రిల్లర్‌ చక్కటి వసూళ్లను అందుకుంది. త్వరలో దీనికి కొనసాగింపుగా మత్తు వదలరా 3 రానుంది.
హీరో రామ్‌, దర్శకుడు పూరి జగన్నాథ్‌ కాంబోలో వచ్చిన హిట్ సినిమా ఇస్మార్ట్‌ శంకర్‌. దీనికి కొనసాగింపుగా ఈ ఏడాది ఆగస్టులో వచ్చిన డబుల్‌ ఇస్మార్ట్‌ భారీ అంచనాల మధ్య థియేటర్లలోకి వచ్చి చేదు ఫలితాన్ని అందుకుంది.
'పుష్ప 2' ఓటీటీ రిలీజ్పై మూవీటీమ్ క్లారిటీ - విడుదల అప్పుడే
చిరంజీవితో కలిసి నటించడంపై స్పందించిన మోహన్‌బాబు - ఏమన్నారంటే?
