మిర్యాలగూడలో పది రోజుల పాటు స్వచ్ఛంద లాక్​డౌన్

నల్గొండ జిల్లా మిర్యాలగూడలో కరోనా కేసులు రోజురోజుకు పెరుగుతున్న దృష్ట్యా వ్యాపార, వాణిజ్య వర్గాలు పది రోజులు స్వచ్ఛంద లాక్​డౌన్ పాటిస్తూ షాపులను మూసివేశారు.

నల్గొండ జిల్లా మిర్యాలగూడలో కరోనా కేసులు పెరుగుతున్నందున వ్యాపార, వాణిజ్య వర్గాలు పది రోజులపాటు స్వచ్ఛంద లాక్​డౌన్​ను పాటిస్తున్నాయి. అందులో భాగంగానే పట్టణంలోని దుకాణ సముదాయలన్నింటిని మూసివేశాయి. కరోనా కేసులు పెరగకుండా ఉండేందుకు స్వచ్ఛంద లాక్​డౌన్ ఒక్కటే సరైన మార్గమని మున్సిపల్ ఛైర్మన్ తిరునగరు భార్గవ్ వ్యాపార సంఘాలతో తెలిపారు.

స్పందించిన వ్యాపారస్థులు ఈ రోజు నుంచి ఈ నెలాఖరు వరకు దుకాణాలు మూసివేస్తామని తెలిపినట్లు భార్గవ్ పేర్కొన్నారు. మిర్యాలగూడ రూరల్ పోలీస్ స్టేషన్​ల 13 మందికి కరోనా పాజిటివ్ రావడం వల్ల ఏవైనా సమస్యలు ఉంటే ఒకటో పట్టణ పోలీస్ స్టేషన్​లో ఫిర్యాదు చేయాలని డీఎస్పీ వెంకటేశ్వర్ రావు తెలిపారు.

ఇవీ చూడండి: తెలంగాణలో మరో ఎమ్మెల్యేకు కరోనా... కుటుంబ సభ్యులందరికీ పాజిటివ్