నల్గొండ జిల్లా హాలియా మున్సిపాలిటీ పరిధిలోని ఇబ్రహీంపేటకు చెందిన ఓ వ్యక్తి... కరోనా చికిత్స పొందుతూ మంగళవారం మృతి చెందాడు. ఆసుపత్రుల్లో సరైన చికిత్స అందడం లేదని... చనిపోయే ముందు అతడు కలెక్టర్కు రాసిన లేఖ సామాజిక మాధ్యమాల్లో వైరల్గా మారింది. శ్వాస ఆడటం లేదని ఈ నెల 1న హాలియా ప్రాథమిక ఆరోగ్య కేంద్రంలో కరోనా పరీక్ష చేసుకోగా పాజిటివ్గా నిర్ధరణ అయింది.
నాగార్జునసాగర్ ఏరియా ఆసుపత్రిలో రెండు రోజులు చికిత్స తీసుకున్న తర్వాత పరిస్థితి విషమించడం వల్ల నల్గొండ జిల్లా కేంద్ర ఆసుపత్రికి తరలించారు. చికిత్స పొందుతూ ఆసుపత్రిలోనే మృతి చెందాడు. చనిపోయే ముందు ఆసుపత్రుల్లో తనకు ఎదురైన ఇబ్బందులు, సిబ్బంది తీరు, వసతుల లేమిపై కలెక్టర్కు లేఖ రాశాడు. ఇలాంటి పరిస్థితి ఎవరికీ రాకుండా స్పందించి చర్యలు తీసుకోవాలని కోరాడు. మృతుని కుమార్తె 3 నెలల క్రితం అనారోగ్యంతో మృతి చెందింది. తల్లికి, భార్యకు కూడా కరోనా పాజిటివ్ వచ్చినట్టు సమాచారం.
ఇదీ చూడండి: భార్య కొట్టడం వల్లే మృతి చెందాడు!
