సాగర్​లో లాంచీ సేవలు పునః ప్రారంభం

నాగార్జునసాగర్​ జలాశయంలో నేడు లాంచీ ట్రయల్స్ ప్రారంభించారు. కచ్చులూరు బోటు ప్రమాదం అనంతరం ఇక్కడ లాంచీ ప్రయాణాన్ని నిలిపివేశారు. పర్యాటకశాఖ అనుమతితో సేవలు పునః ప్రారంభించారు.

నాగార్జునసాగర్ జలాశయంలో చాలా రోజుల తర్వాత లాంచీ ప్రయాణం పునః ప్రారంభించారు. తూర్పుగోదావరి జిల్లా కచ్చులూరు బోటు ప్రమాదం జరిగిన తర్వాత సాగర్​లో లాంచీ ప్రయాణాన్ని తెలంగాణ పర్యాటకశాఖ అధికారులు నిలిపివేశారు. పర్యాటకశాఖ అధికారులు అనుమతులు మంజూరు చేసినందున... జలాశయంలో నేడు ట్రయల్స్​ వేశారు. శనివారం నుంచే ప్రారంభంకావాల్సి ఉండగా... ప్రయాణికులు లేనందున ఈ నెల 30న సేవలు అందుబాటులోకి తేనున్నారు. నాగార్జున కొండకు వెళ్లేందుకు మాత్రం ఇంకా ప్రభుత్వం అనుమతి ఇవ్వలేదు.

ఇదీ చూడండి: