నల్గొండ జిల్లా మిర్యాలగూడ నియోజకవర్గంలోని వేములపల్లి, దామరచర్ల, మిర్యాలగూడ ఏరియా ఆసుపత్రుల్లో కరోనా పరీక్ష కేంద్రాలు ఏర్పాటు చేశారు. మిర్యాలగూడ డివిజన్ పరిధిలో మొత్తం తొమ్మిది కొవిడ్ పరీక్ష కేంద్రాలను ఆయా ప్రాంతీయ ఆస్పత్రుల్లో ప్రారంభించారు.
కరోనా పరీక్ష కేంద్రాల్లో రోజుకు 20 టెస్టులు చేయించుకునే అవకాశం ఉందని అధికారులు తెలిపారు. మిర్యాలగూడ డివిజన్ పరిధిలో దామరచర్ల, మిర్యాలగూడ, వేములపల్లి ,ఆలగడప, త్రిపురారం, నిడమనూరు, హాలియా, పెద్దవూర, సాగర్ కలిపి మొత్తం 9 ప్రాంతీయ ఆసుపత్రుల్లో కరోనా ర్యాపిడ్ టెస్టులు చేసే కేంద్రాలను ఏర్పాటు చేసినట్లు డిప్యూటీ డీఎంహెచ్ఓ డా. రవి తెలిపారు. కరోనా అనుమానిత లక్షణాలున్న వారు ఏరియా ఆస్పత్రుల్లో పేరు నమోదు చేసుకొని.. పరీక్షలు చేయించుకోవాలని ప్రజలను కోరారు.
