నల్గొండ జిల్లా నాగార్జునసాగర్లో ఏర్పాటు చేసిన కాంగ్రెస్ ముఖ్యకార్యకర్తల సమావేశంలో ఆ పార్టీ అభ్యర్థి జానారెడ్డి, పీసీసీ అధ్యక్షుడు, ఎంపీ ఉత్తమ్ కుమార్ రెడ్డి, ఎమ్మెల్సీ జీవన్ రెడ్డి పాల్గొన్నారు. తెరాస గెలిచిన తర్వాత నాగార్జునసాగర్ను ఎంత అభివృద్ధి చేశారో చెప్పాలని ఉత్తమ్ ప్రశ్నించారు. సీఎం కేసీఆర్ నాగార్జునసాగర్ ఆనకట్ట నీడన ఉండి జానారెడ్డి ఏం చేశాడని అంటున్నారని.. ఏం చేశారో ప్రజల్ని అడిగితే చెబుతారని అన్నారు.
సీఎం కేసీఆర్కు కాళేశ్వరం, భగీరథ ద్వారా డబ్బు దోచుకోవడం.. ఆ డబ్బును ఎన్నికల్లో ఖర్చు చేయడం అవాటయిందన్నారు. కాంగ్రెస్ కార్యకర్తలు అందరూ శ్రమించి జానారెడ్డిని గెలిపించుకోవాలి కోరారు. నాగార్జునసాగర్లో మంచి నీటి సరఫరా, రోడ్లు తన హయాంలో వేసినవి తప్ప.. సీఎం కేసీఆర్ సాగర్లో ఒక్క అభివృద్ధి పని చేయలేదని జానారెడ్డి అన్నారు. ఈ నెల 17న జరిగే ఎన్నికల్లో తనను అత్యధిక మెజారిటీతో గెలిపించాలని కోరారు.
ఇదీ చదవండి: పంచాయతీ ఎన్నికల్లో అందాల భామ పోటీ!
