నాగర్కర్నూల్ జిల్లా పెద్దకొత్తపల్లిలో గౌడ సంఘం ఆధ్వర్యంలో స్థానిక బస్టాండ్ దగ్గర రోడ్డుపై బైఠాయించి రాస్తారోకో నిర్వహించారు. మండల కేంద్రంలో ఏర్పాటు చేసిన సర్దార్ సర్వాయి పాపన్న గౌడ్ విగ్రహాన్ని గుర్తు తెలియని దుండగులు ధ్వంసం చేసినట్లు వారు ఆరోపించారు. త్వరలో విగ్రహాన్ని ఆవిష్కరించేందుకు ఏర్పాట్లు చేస్తుండగా... ఇలా జరగడం దారుణమన్నారు. నిజాం రాజు ఆగడాలను అడ్డుకున్న వీరుడు పాపన్న గౌడ్ అని కొనియాడారు. దుండగులను గుర్తించి కఠిన చర్యలు తీసుకోవాలని డిమాండ్ చేశారు. రోడ్డుపై భారీగా వాహనాలు నిలిచిపోయాయి. విచారణ చేసి బాధ్యులను శిక్షిస్తామన్న పోలీసుల హామీతో ఆందోళన విరమించారు.
'సర్దార్ విగ్రహాన్ని ధ్వంసం చేసిన దుండగులను శిక్షించాలి'
ఇదీ చూడండి: ఆర్టీసీ నాయకులతో సోమేశ్కుమార్ కమిటీ చర్చలు
