ఆరు ట్రాక్టర్లను సీజ్ చేసిన అటవీశాఖ అధికారులు

నాగర్​కర్నూలు జిల్లా కొల్లాపూర్​ మండలం మొల్లచింతపల్లి పెద్దవాగు నుంచి అక్రమంగా ఇసుకను తరలిస్తున్న వారిని అటవీశాఖ అధికారులు పట్టుకున్నారు. ఆరు ట్రాక్టర్లను సీజ్​ చేసి టింబర్​ డిపోకు పంపించారు.

నాగర్​కర్నూలు జిల్లా మొల్లచింతపల్లి పెద్దవాగు నుంచి కొందరు అక్రమంగా ఇసుకను తరలిస్తున్నారు. జేసీబీ వాహనాలతో డంపింగ్​ చేసుకుని ట్రాక్టర్ల ద్వారా తరలిస్తున్నారు. సమచారం అందిన కొల్లాపూర్​ అటవీశాఖ అధికారులు ఆరు ఇసుక ట్రాక్టర్లను పట్టుకుని టింబర్​ డిపోకు తీసుకెళ్లారు. అక్రమంగా ఇసుకను తరలిస్తే కేసు నమోదు చేసుకుని కఠిన చర్యలు తీసుకుంటామని హెచ్చరించారు. ఇసుక దందా చేసేవారిని పట్టుకుని అటవీశాఖ కార్యాలయానికి తరలించారు.