నాగర్కర్నూల్ జిల్లాలోని పలు ప్రాంతాల్లో ఈదురుగాలులతో కూడిన వడగళ్ల వాన కురిసింది. అకాల వర్షంతో వరి పైరు దెబ్బతింది. ఈదురు గాలులకు పంట మొత్తం నేలకొరిగింది. ఆయా గ్రామాల్లో సుమారు 200 ఎకరాల్లోని వరి పంటకు తీవ్ర నష్టం వాటిల్లింది.
పంట చేతికి వచ్చే దశలో అకాల వర్షాలు తీరని నష్టాన్ని మిగిల్చాయని రైతులు ఆవేదన చెందుతున్నారు. ఈ ఏడాది కష్టమంతా వృథాగా పోయిందని వాపోయారు. ఈదురు గాలుల ప్రభావానికి తిమ్మాజిపేట, పుల్లగిరి ప్రాంతాల్లో స్తంభాలు నేలకొరిగి వైర్లు తెగిపోయాయి. దీంతో విద్యుత్ సరఫరాకు అంతరాయం నెలకొంది.
ఇదీ చదవండి: ఎంఈవో రాజయ్య మృతి పట్ల కేటీఆర్ సంతాపం
