మాయ మిల్లు.. వడ్లు ఇస్తే ప్లాస్టిక్​ బియ్యం

రైతులు పండించే పంట రైస్​మిల్లుకు వెళ్లిన తర్వాత కల్తీగా మారుతోంది. వడ్లను బియ్యంగా మార్చేందుకు మిల్లుకు ఇస్తే అందులో ప్లాస్టిక్​ బియ్యం కలుపుతున్నారు. ప్రజల ప్రాణాలతో చెలగాటమాడుతున్నారు.

నాగర్​కర్నూలు జిల్లా కొల్లాపూర్​లో రామాపురం గ్రామానికి చెందిన కుమ్మరి కురుమయ్య అనే రైతు తన సొంత పొలంలో వరిధాన్యం పండించాడు. పెంటవెల్లిలోని ఓ రైస్​ మిల్లులో 20 సంచుల వడ్లను బియ్యంగా మార్చుకోవడానికి వెళ్లాడు. 16 సంచుల బియ్యాన్ని తీసుకురాగా... ఇవాళ వంట కోసం తీస్తే అందులో ప్లాస్టిక్​ బియ్యం రావడం గమనించాడు. తాము సొంతంగా పండించిన పంటలోనూ కల్తీ చేయడమేంటని యజమానిని నిలదీస్తే తనకు తెలియదన్నాడని రైతు వాపోయాడు. అధికారులు స్పందించి తనకు న్యాయం చేయాలని... మిల్లు యజమానిపై కఠిన చర్యలు తీసుకోవాలని కురుమయ్య డిమాండ్​ చేశాడు.

ఇదీ చదవండిః బరువు తగ్గించినందుకు 8 వారాల జైలు