క్రీడలు మానసిక ఉల్లాసంతో పాటు శరీరం దృఢంగా ఉండడానికి ఎంతో తోడ్పడుతాయని ఎమ్మెల్యే మర్రి జనార్దన్ రెడ్డి పేర్కొన్నారు. నాగర్ కర్నూల్ జిల్లా కేంద్రంలో స్థానిక జడ్పీ గ్రౌండ్లో ఎంజేఆర్ ట్రస్ట్ ఆధ్వర్యంలో నాగర్కర్నూల్ ప్రీమియర్ లీగ్ క్రికెట్ పోటీలను జడ్పీ ఛైర్పర్సన్ పెద్దపల్లి పద్మావతి, కలెక్టర్ శర్మన్ చౌహన్తో కలిసి ప్రారంభించారు.
ఈ క్రికెట్ పోటీల్లో 19 జట్లు పాల్గొంటాయని... మూడు రోజుల పాటు డే అండ్ నైట్ మ్యాచ్ నిర్వహిస్తామని ఎమ్మెల్యే వెల్లడించారు. ఈ క్రికెట్ పోటీల్లో పోలీస్, పొలిటికల్, ప్రెస్, రెవెన్యూ, డాక్టర్స్, అడ్వకేట్, యూత్, అగ్రికల్చర్, టీఎన్జీవోస్ ఇలా నియోజకవర్గానికి సంబంధించిన మొత్తం 19 జట్లు ఆడనున్నాయని తెలిపారు.
ఫోర్ కొట్టిన కలెక్టర్
కలెక్టర్ బౌలింగ్ చేయగా ఎమ్మెల్యే మర్రి బ్యాట్తో కొట్టారు. ఎస్పీ సాయి శేఖర్ బంతిని వేయగా కలెక్టర్ ఫోర్ కొట్టి అలరించారు. ఈ కార్యక్రమంలో ఎస్పీ సాయి శేఖర్, డీసీసీబీ డైరెక్టర్ జక్కా రఘునందన్ రెడ్డి, 19 జట్లకు సంబంధించిన కెప్టెన్లు, జట్టు సభ్యులు పాల్గొన్నారు.
ఇదీ చదవండి: ఆహార భద్రత కార్డు.. పేదలకు అందని ద్రాక్షేనా?
