నాగర్ కర్నూల్ జిల్లా కేంద్రంలోని ప్రభుత్వాసుపత్రిలో చికిత్స పొందుతున్న కరోనా రోగులను ఎమ్మెల్యే మర్రి జనార్దన్ రెడ్డి, కలెక్టర్ శర్మన్లు పరామర్శించారు. బాధితులతో కాసేపు ముచ్చటించారు. మరో మూడు, నాలుగు రోజుల్లో ఆక్సిజన్ ప్లాంట్ను ఏర్పాటు చేయాలని ఎమ్మెల్యే మర్రి జనార్దన్ రెడ్డి అధికారులకు సూచించారు. ఆక్సిజన్ సిలిండర్లను ఎప్పుడూ అందుబాటులో ఉంచుకోవాలని ఆదేశించారు. ఎంజేఆర్ ట్రస్ట్ నుంచి 20 ఆక్సిజన్ సిలిండర్లను ఉచితంగా పంపిణీ చేస్తామని వైద్యాధికారులకు మాట ఇచ్చారు.
ఆస్పత్రిలో చికిత్స పొందుతున్న కరోనా రోగులకు అందజేస్తున్న భోజనం గురించి ఎమ్మెల్యే ఆరా తీశారు. ప్రోటీన్లతో కూడిన మెరుగైన ఆహారం అందట్లేదని తెలుసుకున్న మర్రి జనార్దన్ రెడ్డి... వెంటనే చికెన్, గుడ్లతో కూడిన ఆహారాన్ని తెప్పించి రోగులకు అందజేశారు. ఆస్పత్రిలో చికిత్స పొందుతున్న కరోనా రోగులందరికీ ప్రతిరోజు మూడు పూటలా గుడ్డు, చికెన్లాంటి ప్రోటీన్లతో కూడిన ఆహారాన్నిఉచితంగా అందజేస్తానని హామీ ఇచ్చారు. ఈ అన్నదాన ప్రక్రియ నేటి నుంచే ప్రారంభిస్తున్నట్లు ఎమ్మెల్యే మర్రి జనార్దన్ రెడ్డి తెలిపారు.
ఇవీ చదవండి: జ్వరం టీకాతోనా?.. వైరస్‌వల్లా?
