పెన్షన్ కోసం వెళ్తుంటే ఆటో బోల్తా..14మంది వృద్ధులకు గాయాలు

ఎదురుగా వస్తున్న మోటార్​ సైకిల్​ను తప్పించబోయి ఆటో బోల్తా పడింది. ఈ ప్రమాదంలో  పెన్షన్​ కోసం ఆటోలో వెళ్తున్న 14 మంది వృద్ధులు గాయపడ్డారు. క్షతగాత్రులను ఆసుపత్రికి తరలించారు.

నాగర్ కర్నూల్ జిల్లా బిజినపల్లి మండల కేంద్రం సమీపంలో ఎదురుగా వస్తున్న మోటార్​ సైకిల్​ను తప్పించబోయి ఆటో బోల్తా పడింది. ప్రమాదంలో ఆటోలో ఉన్న తిమ్మాజిపేట మండలం బాజీపూర్​కు చెందిన 14 మంది వృద్ధులు గాయపడ్డారు. క్షతగాత్రులను స్థానిక ప్రభుత్వ ఆసుపత్రికి తరలించి ప్రథమ చికిత్స అందించారు. అనంతరం మెరుగైన చికిత్స కోసం నాగర్​కర్నూల్​ ఏరియా ఆసుపత్రికి తరలించారు.

బాజీపూర్ గ్రామానికి చెందిన 14 మంది వృద్ధులు పెన్షన్ కోసం బిజినపల్లి మండలం వెలుగొండ పోస్ట్ ఆఫీస్​కు వెళ్తుండగా ఈ ప్రమాదం చోటుచేసుకుంది.

ఇదీ చూడండి: దిల్లీలో ఘోర అగ్నిప్రమాదం- 43 మంది దుర్మరణం