సమ్మక్క-సారలమ్మలకు బతుకమ్మ చీరలు సమర్పించిన మంత్రి సత్యవతి

సీఎం కేసీఆర్ రాష్ట్ర ఆడపడుచులకు దసరా కానుకగా అందించే.. బతుకమ్మ చీరలను మంత్రి సత్యవతి రాఠోడ్, ఎంపీ మాలోతు కవిత మేడారం సమ్మక్క- సారలమ్మలకు సమర్పించారు. అనంతరం ములుగు జిల్లా తాడ్వాయి మండలంలో మహిళలకు బతుకమ్మ చీరలు పంపిణీ చేశారు.

ములుగు జిల్లా తాడ్వాయి మండలం మేడారం సమ్మక్క-సారలమ్మ వనదేవతలకు గిరిజన, స్త్రీ, శిశు సంక్షేమ శాఖ మంత్రి సత్యవతి రాఠోడ్, ఎంపీ మాలోతు కవితలు బతుకమ్మ చీరలను సమర్పించారు. అనంతరం స్థానిక మహిళలకు చీరలను పంపిణీ చేశారు.

ముఖ్యమంత్రి కేసీఆర్ తెలంగాణ ఆడపడుచులకు దసరా కానుకగా బతుకమ్మ చీరలను అందజేస్తున్నారని మంత్రి సత్యవతి రాఠోడ్ అన్నారు. ఈ కార్యక్రమంలో జిల్లా కలెక్టర్ క్రిష్ణాదిత్య, అదనపు కలెక్టర్ ఆదర్శ్ సురభి, ఏటూరునాగారం పీఓ హన్మంత్, ములుగు ఏఎస్పీ సాయి చైతన్య, జిల్లా రెవెన్యూ అధికారిణి రమాదేవి, స్థానిక ప్రజాప్రతినిధులు, అధికారులు పాల్గొన్నారు.

• ఇదీ చూడండి: ఉపాధి కోసం 60 ఏళ్ల మహిళల 'సాగర సాహసాలు'