రెండు బస్సుల మధ్య బైక్... ప్రాణం కాపాడిన హెల్మెట్​

మేడ్చల్​ జిల్లా లోతుకుంటలో ప్రమాదం జరిగింది. ద్విచక్రవాహనాన్ని ఆర్టీసీ బస్సు ఢీకొని... అలాగే ముందుకు దూసుకెళ్లింది. ఈ క్రమంలో ద్విచక్రవాహనం రెండు బస్సుల మధ్య ఇరుక్కుపోయింది. ఈ ప్రమాదంలో వాహనదారులకు తీవ్ర గాయాలైనప్పటికీ... హెల్మెట్​ ఉండటం వల్ల ప్రాణాలు దక్కాయి.

మేడ్చల్ జిల్లా అల్వాల్ సర్కిల్ లోతుకుంటలోని రాజీవ్ రహదారిపై ప్రమాదం జరిగింది. ద్విచక్రవాహనంపై అల్వాల్ వైపు నుంచి సికింద్రాబాద్ వైపు వెళ్తున్న ఉప్పర్​పల్లికి చెందిన నర్సింహ దంపతులను వెనుకనుంచి వేగంగా వచ్చిన హకింపేట డిపో బస్సు ఢీకొట్టింది. ద్విచక్రవాహనం... ముందువెళ్తున్న స్కూల్ బస్సుకు ఆర్టీసీ బస్సుకు మధ్యలో ఇరుక్కుపోయింది. ఈ ఘటనలో ద్విచక్ర వాహనంపై వెళ్తున్న దంపతులకు ఇద్దరికీ తీవ్రగాయాలయ్యాయి. బైకుపై ఉన్న వ్యక్తి హెల్మెట్ ధరించి ఉండటం వల్ల పెద్దప్రమాదం తప్పింది. హెల్మెట్ నూజ్జునుజ్జు అయినా సరే... వాహనదారుని ప్రాణాన్ని కాపాడింది.

ఇదీ చూడండి: 'ధిక్కరణ చర్యలు చేపట్టే అధికారం మాకు ఉంది'