అట్టల పరిశ్రమలో.... అగ్నిప్రమాదం

మేడ్చల్ జిల్లా సురారం కాలనీలోని అట్టల పరిశ్రమలో ఘోర అగ్నిప్రమాదం సంభవించింది. ఈ ఘటనలో ఎలాంటి ప్రాణ నష్టం జరగలేదు.

మేడ్చల్ జిల్లా సూరారం కాలనీలోని అట్టల పరిశ్రమలో ఘోర అగ్నిప్రమాదం చోటుచేసుకుంది. నివాసాల మధ్య ఓ వ్యక్తి ఇంట్లో కుటుంబ పరిశ్రమగా అట్టల పెట్టెలు (ప్యాకింగ్) తయారు చేస్తున్నాడు. రాత్రి 8 గంటల సమయంలో ఇంట్లో నుంచి పొగలు రావడం గమనించిన స్థానికులు ఫైర్ స్టేషన్​కు సమాచారం అందించారు. మరికొంతమంది మంటలను అదుపులోకి తెచ్చేందుకు కృషి చేశారు. అయినా మంటలు తీవ్రమయ్యాయి. ఫైర్ సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. ఇంటి ఆవరణలో ఉంచిన టాటా ఏస్​ వాహనం దగ్ధమయింది. ఈ ప్రమాదంలో ఎలాంటి ప్రాణ నష్టం జరగలేదు.

ఇదీ చూడండి : 12ఏళ్ల తరువాత... ఆయేషా మృతదేహానికి రీ పోస్టుమార్టం!