మేడ్చల్ జిల్లా దుండిగల్ పరిధిలోని లీజెండ్ వెంచర్, వెంకటేశ్వర కాంట వద్ద ఉన్న గోడౌన్లో అక్రమంగా నిల్వ ఉంచిన రేషన్ బియ్యాన్ని ఇతర రాష్ట్రాలకు తరలిస్తోన్న నలుగురు నిందితులను దుండిగల్ పోలీసులు పట్టుకున్నారు. 3 టాటాఏస్ వాహనాల్లో ఉన్న రేషన్ బియ్యాన్ని స్వాధీనం చేసుకున్నారు.
నగరంలోని ముషీరాబాద్ ప్రాంతానికి చెందిన రహీముద్దీన్, మరికొంత మందితో కలిసి కుత్బుల్లాపూర్లోని రేషన్ దుకాణాల నుంచి బియ్యాన్ని కొనుగోలు చేసేవాడు. వాటిని దుండిగల్లోని ఓ గోడౌన్లో నిల్వ ఉంచి, ఇతర రాష్ట్రాలకు తరలిస్తున్నారనే సమాచారంతో.. రెవెన్యూ, పోలీసు అధికారులు సంయుక్త దాడులు నిర్వహించారు.
ఈ దాడుల్లో లోడ్తో ఉన్న 3 టాటాఏస్ వాహనాలు, నలుగురు నిందితులను అదుపులోకి తీసుకున్నారు. అక్కడే ఉన్న ఆటోల్లో పరారైన మరో పది మంది నిందితుల కోసం గాలిస్తున్నట్లు దుండిగల్ సీఐ వెంకటేశ్వర్లు తెలిపారు.
