అంబీర్​ లేక్​ను పరిశీలించిన ఎమ్మెల్యేలు

హైదరాబాద్​ నగర శివారు నిజాంపేట్​ మున్సిపల్​ కార్పొరేషన్​ పరిధిలోని అంబీర్ లేక్ పనులను ప్రభుత్వ విప్, శేరిలింగంపల్లి ఎమ్మెల్యే గాంధీతో కలిసి ఎమ్మెల్యే కేపీ వివేకానంద్ పరిశీలించారు.

హైదరాబాద్​ నగర శివారు నిజాంపేట్ మున్సిపల్ కార్పొరేషన్ పరిధిలో రూ.25 కోట్లతో నిర్మిస్తున్న అంబీర్ లేక్ పనులు నిర్విరామంగా కొనసాగుతున్నాయి. ఈ పనులను శేరిలింగంపల్లి ఎమ్మెల్యే అరికెపూడి గాంధీతో కలిసి కుత్బుల్లాపూర్​ శాసనసభ్యులు కేపీ వివేకానంద్​ పరిశీలించారు. అధికార యంత్రాంగం అంతా ‘కరోనా‘ నియంత్రణలో నిమగ్నమైనప్పటికీ అభివృద్ధి పనులు ఎటువంటి ఆటంకం లేకుండా కొనసాగుతున్నాయని ఎమ్మెల్యేలు అన్నారు.

అంబేడ్కర్​ చెరువు సుందరీకరణ పనులు త్వరలో పూర్తి చేస్తామని... ఇప్పటికే పనులు సగానికి పైగా పూర్తిచేశామని శేరిలింగంపల్లి ఎమ్మెల్యే గాంధీ తెలిపారు. వాకింగ్ ట్రాక్ నిర్మాణంలో కొన్ని ఆటంకాలు ఉన్నప్పటికీ వాటిని తొలగించామని తెలిపారు.

ఇవీ చూడండి: తగ్గుతున్న కేసులు.. పలుచోట్ల కంటైన్మెంట్​ జోన్లు ఎత్తివేత