ధరణి పోర్టల్​పై అవగాహన కల్పిస్తున్న ఎమ్మెల్యే వివేకానంద

కుత్బుల్లాపూర్​ ఎమ్మెల్యే కేపీ వివేకానంద, ఎమ్మెల్సీ శంభీపూర్​ రాజు మేడ్చల్​ జిల్లా సూరారంలోని ఇంటింటికీ తిరుగుతూ ధరణి పోర్టల్​పై ప్రజలకు అవగాహన కల్పించారు. సర్వేకు వచ్చిన అధికారులకు ప్రజలు సహకరించాలని ఆయన విజ్ఞప్తి చేశారు. ప్రతి ఒక్కరూ తమతమ ఆస్తి వివరాలను ఆన్​లైన్​ చేసుకోవాలని సూచించారు.

మేడ్చల్​ జిల్లా సూరారం డివిజన్ పరిధిలోని సంజయ్ గాంధీ నగర్​లో ఇంటింటికీ తిరుగుతూ ఎమ్మెల్యే కేపీ వివేకానంద, ఎమ్మెల్సీ శంభీపూర్​ రాజు ధరణి పోర్టల్​పై ప్రజలకు అవగాహన కల్పించారు. సీఎం ప్రవేశపెట్టిన కొత్త రెవెన్యూ చట్టంతో కొన్ని దశాబ్దాలుగా పరిష్కారం నోచుకోని భూ సమస్యలకు పరిష్కారం లభిస్తుందన్నారు. పూర్తి పారదర్శకతతో ధరణి పోర్టల్​ను ప్రజలకు అందుబాటులోకి తీసుకొస్తున్నామని వెల్లడించారు.

అన్ని రకాల ఆస్తులకు సంబంధించిన వివరాలను ధరణి పోర్టల్​ ద్వారా ప్రజలు ఆన్​లైన్ చేసుకోవాలన్నారు. ఈ పోర్టల్​తో ఇకమీదట రిజిస్ట్రేషన్లు ఆవెంటే మ్యుటేషన్ల ప్రక్రియకు వెసులుబాటు ఉందని తెలిపారు. సర్వే వివరాల కోసం వచ్చే అధికారులకు ప్రజలు సహకరించాలని కోరారు. ధరణి పోర్టల్​పై ప్రజలకు ఎలాంటి అపోహలు వద్దని, ముఖ్యంగా ఎవ్వరూ దళారులను నమ్మవద్దని సూచించారు.
ఇదీ చూడండి: లక్ష్యం ప్రకారం సర్వేను పూర్తి చేయాలి: జీహెచ్​ఎంసీ కమిషనర్