మేడ్చల్ జిల్లా పరిధిలోని వేలాది వలస కూలీలను వారి నివాసాలకు చేరవేసేందుకు ప్రభుత్వం, టీఎస్ఐజీ (తెలంగాణ సోషల్ ఇంపాక్ట్ గ్రూప్) ఎన్జీవోలు కృషి చేస్తున్నాయని కార్మిక శాఖ మంత్రి మల్లారెడ్డి తెలిపారు. ఉత్తరభారతదేశంలోని రాష్ట్రాలైన బిహార్, ఛత్తీస్గఢ్, మధ్యప్రదేశ్, ఒడిశా, ఉత్తరప్రదేశ్, ఝార్ఖండ్ మొదలైన రాష్ట్రాలకు ఎన్జీవో సహకారంతో ఏర్పాటు చేసిన బస్సులు, ప్రభుత్వం రైళ్లలో వలస కూలీలను తరలిస్తున్నామని పేర్కొన్నారు.
మేడ్చల్ ప్రధాన జాతీయ రహదారిపై నడుచుకుంటూ వెళ్తున్న వలస కూలీల నుంచి వివరాలు సేకరించి, వారి రాష్ట్రాలకు పంపిస్తున్నారు. అలాగే ఆహారం కూడా అందిస్తున్నారు. ఇవాళ మంత్రి మల్లారెడ్డి, జిల్లా కలెక్టర్ వాసం వెంకటేశ్వర్లు, ఎమ్మెల్యే కేపీ వివేకానంద్, మల్కాజిగిరి పార్లమెంట్ ఇంఛార్జ్ మర్రి రాజశేఖర్ రెడ్డి ఈ కార్యక్రమాన్ని పర్యవేక్షించారు.
ఇదీ చదవండి: వలస కూలీలను ఫోన్ నంబర్తో పట్టేస్తారు!
