ఇంజినీరింగ్ విద్యార్థి జీవన్​ రెడ్డి ఎక్కడ?

హైదరాబాద్​లో ఇంజినీరింగ్​ మూడో సంవత్సరం విద్యార్థి కనిపించకుండా పోయి ఐదు రోజులు గడుస్తున్నా... ఎలాంటి ఆచూకీ లేకపోవటం కలకలం రేపుతోంది. పోలీసులు బృందాలుగా విడిపోయి గాలిస్తున్నా... ఆధారాలు దొరకకపోవటం కుటుంబ సభ్యుల్లో తీవ్ర ఆందోళన కలిగిస్తోంది.

మేడ్చల్ జిల్లా మైసమ్మగూడ పేట్​బషీరాబాద్ పీఎస్ పరిధిలో కనిపించకుండా పోయిన ఇంజినీరింగ్ విద్యార్థి జీవన్ రెడ్డి కేసు మిస్టరీగా మారింది. నల్గొండ జిల్లాకు చెందిన ప్రభోదర్ రెడ్డి కుమారుడు జీవన్ రెడ్డి మేడ్చల్ జిల్లా మైసమ్మగూడలోని ఓ ఇంజినీరింగ్ కళాశాలలో బీటెక్ మూడో సంవత్సరం చదువుతున్నాడు. ప్రైవేట్ హాస్టల్లో ఉంటున్నాడు.

ఈనెల 11న ఉదయం నుంచి కనిపించకుండా పోయిన జీవన్​రెడ్డి... 5 రోజులైనా దొరకలేదు. జీవన్​రెడ్డి ఉండే హాస్టల్ గదిలోని బాత్రూంలో రక్తపు మరకలు పలు అనుమానాలకు తావిస్తున్నాయి. మరోవైపు జీవన్​రెడ్డి... ఆన్​లైన్​లో క్యాష్​బీన్ యాప్ ద్వారా డబ్బులు తీసుకొని క్రికెట్ బెట్టింగ్​లకు పాల్పడేవాడని స్నేహితులు చెబుతున్నారు.

పోలీసులు మూడు బృందాలుగా ఏర్పడి గాలిస్తున్నా... ఇప్పటికీ ఆచూకీ దొరకలేదు. తమ కుమారున్ని క్షేమంగా తీసుకురావాలని పోలీసులను జీవన్​ తల్లిదండ్రులు వేడుకుంటున్నారు.

ఇదీ చూడండి.. అందమైన భామలు మెచ్చే హ్యాండ్​బ్యాగులు