'మీ భూమి- మీ పత్రం'కు విశేష స్పందన

కీసర రెవెన్యూ డివిజన్‌లోని 100 గ్రామాల్లో భూసమస్యల పరిష్కారానికి 'మీ భూమి- మీ పత్రం' కార్యక్రమానికి విశేష స్పందన వస్తోందని ఆర్డీవో లచ్చిరెడ్డి తెలిపారు.  భూ సమస్యలపై తమను సంప్రదించాలని పిలుపునిచ్చారు.

మేడ్చల్ జిల్లా కీసర రెవెన్యూ డివిజన్ పరిధిలోని 100 గ్రామాల్లో 'మీ భూమి-మీ పత్రం' ద్వారా ప్రజల నుండి విశేష స్పందన వస్తోందని కీసర ఆర్డీవో లచ్చిరెడ్డి అన్నారు. రెవెన్యూ శాఖలో పేరుకుపోయిన భూసమస్యల తక్షణ పరిష్కారానికి చర్యలు తీసుకుంటున్నామని ఆయన తెలిపారు. రెవెన్యూ ఉద్యోగులంతా నిరంతరం ప్రజలకు అందుబాటులో ఉండి రికార్డులను పరిశీలించిన అనంతరం భూసమస్యలు పరిష్కరిస్తారని తెలిపారు. ప్రజలకు ఏ సమస్య ఉన్నా తమను సంప్రదించాలని ఆర్డీఓ లచ్చిరెడ్డి పిలుపునిచ్చారు.