కాంగ్రెస్ పార్టీలో అసంతృప్తులతో మాట్లాడుతున్నామని.. పరిస్థితులన్నీ త్వరలోనే సర్దుకుంటాయని మాజీ మంత్రి షబ్బీర్ అలీ ఆశాభావం వ్యక్తం చేశారు. టీపీసీసీ నూతన అధ్యక్షుడిగా ఎన్నికైన రేవంత్ రెడ్డిని.. మల్కాజిగిరి పార్లమెంట్ క్యాంపు కార్యాలయంలో షబ్బీర్ అలీ మర్యాదపూర్వకంగా కలిశారు. అనంతరం కొద్ది సేపు ఇరువురు సమావేశమై పలు అంశాలపై చర్చించారు. అనంతరం ఆయన మీడియాతో మాట్లాడారు.
కాంగ్రెస్ కార్యకర్తలంతా సిపాయిలుగా పనిచేయాల్సిన సమయం ఇది. యువత.. రేవంత్ రెడ్డి నాయకత్వాన్ని బలంగా కోరుకుంటోంది. కాంగ్రెస్ను అధికారంలోకి తీసుకురావడమే లక్ష్యంగా పనిచేస్తాం. -షబ్బీర్ అలీ, కాంగ్రెస్ మాజీ మంత్రి
కాంగ్రెస్ కార్యకర్తలంతా సిపాయిల్లా పనిచేయాలి: షబ్బీర్ అలీ
ఫిక్సింగ్ జలజగడం
తెలంగాణ, ఆంధ్రా మ్యాచ్ ఫిక్సింగ్ చేసుకుని జలజగడాన్ని కొనసాగిస్తున్నారని షబ్బీర్ అలీ ఆరోపించారు. నిన్న కాంగ్రెస్ పార్టీకి రాజీనామా చేసిన మేడ్చల్ మాజీ ఎమ్మెల్యే లక్ష్మారెడ్డితో కూడా రేవంత్ రెడ్డి మాట్లాడతారని ఆయన పేర్కొన్నారు.
టీపీసీసీ చీఫ్గా ఉత్తమ్ కుమార్ రెడ్డి రాజీనామా చేసిన అనంతరం ఆ పీఠం ఎవరికి దక్కుతుందోనని ఇన్ని రోజులుగా రాజకీయ వర్గాల్లో ఉత్కంఠ నెలకొంది. దానికి తెరదించేలా పార్టీ అధిష్ఠానం.. రేవంత్ రెడ్డిని అధ్యక్షుడిగా నియమిస్తూ నిర్ణయం తీసుకుంది. అంతకుముందు ఆయన టీపీసీసీ కార్యనిర్వాహక అధ్యక్షుడిగా కొనసాగారు.
ఇదీ చదవండి: DGP : మరియమ్మ మృతికి కారణమైన వారిపై కఠిన చర్యలు
