మేడ్చల్ జిల్లాలోని గుండ్లపోచంపల్లి మున్సిపాలిటీ పరిధి కండ్లకోయలో నివాసం ఉండే ఓ యువకుడు కూలీ పనులు చేసుకుంటున్నాడు. ఆంధ్రప్రదేశ్‌ నుంచి వచ్చిన ఓ దంపతులు అదే ప్రాంతంలో కూలీ పనులు చేసుకుంటూ జీవనం సాగిస్తున్నారు. వీరికి 13 సంవత్సరాల కూతురు ఉంది. ఆమె కూడా తల్లిదండ్రులతో కలిసి పనుల్లోకి వెళ్తుంది. ఈ క్రమంలో ఆ యువకుడు, బాలిక ప్రేమించుకున్నారు. విషయం బాలిక ఇంట్లో తెలియడం వల్ల గొడవకు దారి తీసింది.
కుటుంబ సభ్యులు పంచాయితీ పెట్టారు. పంచాయితీ పెద్దగా వ్యవహరించిన ఓ ప్రజాప్రతినిధి ఇరు కుటుంబాలకు సర్ది చెప్పి గ్రామంలోని చెరువు కట్టపై ఉన్న అమ్మవారి ఆలయంలో మైనర్ బాలికకు, ఆ యువకుడికి దగ్గరుండి వివాహం జరిపించాడు. ఈ విషయంపై ఐసీడీఎస్‌ సూజర్‌వైజర్‌ హైమావతిని వివరణ కోరగా బాల్య వివాహం తమ దృష్టికి రాలేదన్నారు. విచారణ చేపట్టి బాధ్యులపై చర్యలు తీసుకుంటామన్నారు.
ఇవీ చూడండి: కేంద్ర విద్యుత్తు చట్టంపై కేసీఆర్ గుస్సా..
