'తెలంగాణ పునర్నిర్మాణం కోసం భాజపాలో చేరండి'

తెలంగాణ పునర్నిర్మాణం కోసం ప్రతి ఒక్కరూ భాజపాలో సభ్యులు కావాలని ఆ పార్టీ రాష్ట్ర అధ్యక్షుడు లక్ష్మణ్​ అన్నారు. కుత్బుల్లాపూర్​లో సభ్యత్వ నమోదు కార్యక్రమానికి ఆయన ముఖ్య అతిథిగా హాజరయ్యారు. నియోజకవర్గంలో పెద్ద ఎత్తున సభ్యత్వ నమోదు చేయించాలని కార్యకర్తలకు సూచించారు.

మేడ్చల్​ జిల్లా కుత్బుల్లాపూర్​ షాపూర్​నగర్​లో భాజపా సభ్యత్వ నమోదు చేపట్టారు. పార్టీ రాష్ట్ర ఉపాధ్యక్షుడు మల్లారెడ్డి ఆధ్వర్యంలో జరిగిన ఈ కార్యక్రమంలో రాష్ట్ర భాజపా అధ్యక్షుడు లక్ష్మణ్​ పాల్గొని... సభ్యత్వ నమోదు చేయించారు. నియోజకవర్గంలో పెద్ద ఎత్తున సభ్యత్వ నమోదు చేపట్టాలని సూచించారు.

బలోపేతం దిశగా అడుగులు

రాష్ట్రంలో భాజపా బలోపేతం దిశగా అడుగులు వేస్తోందని లక్ష్మణ్​ అన్నారు. కేంద్ర ప్రభుత్వం ప్రవేశపెట్టిన పథకాలన్నీ ప్రతి పేదవాడికి చేరాలని తెలిపారు. తెలంగాణ పునర్నిర్మాణం కోసం ప్రతి ఒక్కరూ కమలం పార్టీలో చేరాలన్నారు. 20 ఏళ్లక్రితం గుజరాత్​లో సామాన్య కార్యకర్తగా ఉన్న వ్యక్తి... జాతీయ అధ్యక్షుడు కావడం ఒక్క భాజపాలోనే సాధ్యమని ప్రశంసించారు.

ఇదీ చూడండి : "కోమటిరెడ్డి వెంకట్​రెడ్డి క్షమాపణ చెప్పాలి"