మేడ్చల్ జిల్లా దుండిగల్ ప్రభుత్వ పాఠశాలలో అల్పాహార పథకం ప్రారంభమైంది. అక్షయ పాత్ర ఫౌండేషన్, గ్లాండ్ ఫార్మా లిమిటెడ్ భాగస్వామ్యంలో మొదలైన ఈ కార్యక్రమానికి ముఖ్య అతిథిగా మంత్రి మల్లారెడ్డి హాజరయ్యారు.
అక్షయ పాత్ర మధ్యాహ్న భోజన పథకం కింద చాలా ఏళ్లుగా సేవలందిస్తున్నామని అక్షయ పాత్ర ప్రాంతీయ అధ్యక్షుడు సత్యగౌరచంద్ర తెలిపారు. అల్పాహారాన్ని కూడా అందించాలనే సంకల్పంతో కొద్దిరోజుల క్రితం చెన్నైలో ప్రయోగాత్మకంగా ప్రారంభించామని వెల్లడించారు.
అది విజయవంతం కావడంతో దేశ వ్యాప్తంగా అమలు చేయాలని నిర్ణయించామన్నారు. ఇందులో భాగంగానే గ్లాండ్ ఫార్మా వారి సహకారంతో దుండిగల్లో ప్రారంభిస్తున్నట్లు పేర్కొన్నారు.
విద్యార్థులకు అల్పాహారం అందించాలనుకోవడం చాలా మంచి నిర్ణయమని మంత్రి మల్లారెడ్డి ప్రశంసించారు. అక్షయ పాత్ర, గ్లాండ్ ఫార్మా ఇటువంటి కార్యక్రమాలు మరెన్నో చేపట్టాలని కోరారు.
- ఇదీ చూడండి : పనిమనిషి కొడుకని ఇంట్లోకి రానిస్తే దోచేశాడు!
