అధికారులు ఉపాధి పనులకు సంబంధించిన రికార్డులన్ని భద్రపరుస్తూ.. ఉన్నతాధికారుల ఆకస్మిక తనిఖీలకు సిద్ధంగా ఉండాలని రాష్ట్ర గ్రామీణాభివృద్ధి శాఖ ప్రత్యేక కమిషనర్ సైదులు పేర్కొన్నారు. మెదక్ జిల్లాలో పర్యటించి నరేగా పనుల తీరును పరిశీలించారు. కలెక్టరేట్లో ఎంపీడీఓలు, ఎపీఓలతో ఏర్పాటు చేసిన సమావేశంలో పాల్గొని.. అధికారులనుద్దేశించి మాట్లాడారు.
గ్రామ పంచాయతీల్లో తీర్మానం చేసిన పనులకు సంబంధించి.. రిజిస్టర్లు, వర్క్ఫైళ్ళు, సైట్బోర్డులు, ఫొటోలు, రికార్డులు, ఇతర ప్రతులన్ని భద్రపరచాలని సైదులు అధికారులకు సూచించారు. ఉన్నతాధికారుల ఆకస్మిక తనిఖీలకు సిద్ధంగా ఉండాలన్నారు.
ఈ ఆర్థిక సంవత్సరం కూలీలకు పనిదినాలు కల్పించడంలో మెదక్.. రాష్ట్రంలో నాల్గవ స్థానంలో నిలిచిందని జిల్లా గ్రామీణాభివృద్ధి అధికారి నరేష్, కమిషనర్కు తెలిపారు. గ్రామ పంచాయతీల్లో ఎప్పటికప్పుడు తీర్మానాలు చేస్తూ.. పూర్తిచేసిన పనులకు రికార్డులు రాస్తున్నామని వివరించారు.
ఈ కార్యక్రమంలో జిల్లాపరిషత్ ముఖ్య కార్య నిర్వాహణధికారి లక్ష్మిబాయి, పలువురు ఎంపీడీఓలు, ఇంజనీరింగ్ కన్సల్టెంట్లు, పాల్గొన్నారు.
ఇదీ చదవండి: ఉపాధి హామీకి కేంద్రం అవార్డులే తప్ప నిధులు లేవు: ఎర్రబెల్లి
