మెదక్ కలెక్టరేట్లో పల్లె ప్రగతి పారిశుద్ధ్యం, వరి ధాన్యం సేకరణపై నిర్వహించిన అవగాహన కార్యక్రమానికి ఆర్థిక మంత్రి హరీశ్రావు హాజరయ్యారు. అనంతరం పట్టణంలో పలు అభివృద్ధి కార్యక్రమాలకు శంకుస్థాపన చేశారు.
ఆర్థిక మంత్రి హరీశ్ రావు మెదక్ పర్యటన
రాష్ట్ర ఆర్థిక మంత్రి హరీశ్ రావు మెదక్ పట్టణంలో పర్యటించారు. కలెక్టరేట్లో పల్లె ప్రగతి పారిశుద్ధ్యం, వరి ధాన్యం సేకరణపై నిర్వహించిన అవగాహన కార్యక్రమంలో ఎంపీ కొత్త ప్రభాకర్రెడ్డితో కలిసి పాల్గొన్నారు.
అనంతరం వ్యవసాయమార్కెట్ యార్డులో నూతన ప్రాథమిక వ్యవసాయ సహకార సంఘం భవనాన్ని ప్రారంభించారు. పట్టణంలో పలు సీసీ రోడ్ల నిర్మాణాలకు శంకుస్థాపన చేశారు.
గ్రామ పంచాయతీలకు ట్రాక్టర్లు పంపిణీ చేశారు. ముప్పై రోజుల ప్రణాళిక వల్ల గ్రామాల్లో పారిశుద్ధ్యం మెరుగుపడిందన్నారు.
- ఇదీ చూడండి : పట్టాపాసు పుస్తకాల జారీలో అలసత్వంతోనే హత్య!
