నిరుపేదలు, కూలీలకు ఆర్థిక సాయం చేయాలని మెదక్ జిల్లా కేంద్రంలో సీపీఎం ఆధ్వర్యంలో నిరసన దీక్ష చేశారు. లాక్డౌన్ నేపథ్యంలో పేదలు, కార్మికులు తిండికి తిప్పలు పడుతున్నందున కేంద్ర, రాష్ట్ర ప్రభుత్వాలు రూ.10 వేలు ఇవ్వాలని జిల్లా కార్యదర్శి మల్లేశం డిమాండ్ చేశారు. కరోనా నేపథ్యంలో మద్యం దుకాణాలు మూసేయాలని ఆయన స్పష్టం చేశారు. కేంద్ర ప్రభుత్వం రాష్ట్రానికి ప్రత్యేక ప్యాకేజీ ప్రకటించాలని కోరారు. ప్రతి కుటుంబానికి నెలకు రూ.7500 ఇవ్వాలన్నారు. కార్యక్రమంలో సీపీఎం జిల్లా కార్యదర్శి, సభ్యులు బాలమని, నర్సమ్మ, జిల్లా కమిటీ నేతలు లచ్చా గౌడ్, సంతోష్, సురేందర్ తదితరులు పాల్గొన్నారు.
ఇవీ చూడండి : టెండర్ల పేరుతో అవినీతికి పాల్పడుతున్న కేసీఆర్‌: నాగం
