ప్రతి ఆడపడుచు బతుకమ్మ పండుగను ఘనంగా జరుపుకోవాలని మెదక్ ఎమ్మెల్యే పద్మా దేవేందర్ రెడ్డి అన్నారు. రాష్ట్రానికి ఈ పండుగ ప్రత్యేకమైనదని పేర్కొన్నారు. ఈ సందర్భంగా ఆదివారం చిన్న శంకరంపేట మండలం గవ్వలపల్లిలో మహిళలకు ఎమ్మెల్యే బతుకమ్మ చీరలను పంపిణీ చేశారు.
తెలంగాణ ప్రత్యేక రాష్ట్రం వచ్చిన తర్వాత బతుకమ్మ పండుగను ఆడపడుచులు ఆనందంగా జరుపుకోవడానికి ప్రభుత్వం ప్రత్యేకంగా చీరలను అందిస్తోందని పద్మ అన్నారు.
జిల్లా వ్యాప్తంగా అన్ని మండలాల్లోని గ్రామాల్లో చీరల పంపిణీ జరుగుతోందని డీఆర్డీఏ పీడీ శ్రీనివాస్ తెలిపారు. ఈ కార్యక్రమంలో చిన్నశంకరంపేట జడ్పీటీసీ మాధవి, ఆయా గ్రామాల ఎంపీటీసీలు, సర్పంచ్లు, ప్రజాప్రతినిధులు, అధికారులు, తదితరులు పాల్గొన్నారు.
ఇదీ చదవండి: శ్రీశైలానికి వరద ప్రవాహం... 10 గేట్లు ఎత్తివేత
