మంచిర్యాలలో 36 వార్డులకు ఫలితాలు వెలువడ్డాయి. తెరాస 21 స్థానాల్లో విజయం సాధించింది. 14 వార్డుల్లో కాంగ్రెస్ అభ్యర్థులు గెలిచారు. భాజపా , ఎంఐఎం, స్వతంత్రులు ఖాతా తెరవలేదు. మంచిర్యాల ఛైర్మన్ పీఠాన్ని తెరాస దక్కించుకుంది.
బెల్లంపల్లి మున్సిపాలిటీలో 34 వార్డులకు గానూ... తెరాస 25, కాంగ్రెస్02, భాజపా 01, ఇతరులు 06 స్థానాలు గెలుచుకున్నారు. బెల్లంపల్లి పురపాలికలోనూ తెరాస 25 స్థానాల అధిక్యంతో ఛైర్మన్ పీఠాన్ని దక్కించుకుంది. లక్షెట్టిపేట మున్సిపాలిటీలో 15 వార్డులకు గానూ తెరాస 10, కాంగ్రెస్ 04, ఇతరులు 01 స్థానాన్ని గెలుచుకుంది. భాజపా, ఎంఐఎం ఖాతా తెరవలేదు. లక్షెట్టిపేటలో తెరాస ఛైర్మన్ పీఠాన్ని కైవసం చేసుకుంది.
చెన్నూరులో 18 వార్డులకు గానూ... తెరాస 16, ఇతరులు 02 గెలుచుకున్నాయి. చెన్నూరులో తెరాసనే ఛైర్మన్ పీఠాన్ని కైవసం చేసుకుంది.నస్పూరు 25 వార్డులకు గానూ... తెరాస 10, కాంగ్రెస్ 06, భాజపా 03, ఇతరులు 06 స్థానాల్లో గెలుచుకున్నాయి. నస్సూరు ఛైర్మన్ పీఠాన్ని తెరాస గెలుచుకుంది.క్యాతన్పల్లి మున్సిపాలిటీలో 22 వార్డులకు గానూ తెరాస 19, కాంగ్రెస్ 01, ఇతరులు 02 స్థానాలు గెలుచుకున్నాయి. క్యాతన్పల్లిలోనూ తెరాస ఛైర్మన్ పీఠాన్ని గెలుచుకుంది.
మొత్తం మంచిర్యాల జిల్లాలో 6 మున్సిపాలిటీల్లో తెరాస ఛైర్మన్ పీఠాన్ని కైవసం చేసుకుంది. దీనితో జిల్లాలో తెరాస కార్యకర్తలు సంబురాలు చేసుకుంటున్నారు.
