భారీగా అక్రమ మద్యం పట్టివేత

మంచిర్యాల జిల్లా బెల్లంపల్లి సమీపంలో అక్రమ మద్యాన్ని సరఫరాల చేస్తున్న ముగ్గురు వ్యక్తులను టాస్క్​ఫోర్స్​ సిబ్బంది పట్టుకున్నారు. వారి నుంచి రూ.3.50 లక్షల విలువ చేసే అక్రమ మద్యాన్ని స్వాధీనం చేసుకున్నారు.

అక్రమంగా తరలిస్తున్న మద్యాన్ని రామగుండం టాస్క్​ఫోర్స్ పోలీసులు స్వాధీనం చేసుకున్నారు. గురువారం రాత్రి మంచిర్యాల జిల్లా బెల్లంపల్లి పట్టణం నుంచి కన్నెపల్లి మండలానికి తరలిస్తున్నారన్న పక్కా సమాచారంతో పోలీసులు పాగా వేసి పట్టుకున్నారు. బెల్లంపల్లి, కన్నెపల్లి మధ్యలో టాస్క్​ఫోర్స్ సీఐ సతీష్, ఎస్ఐ కుమారస్వామి ఆధ్వర్యంలో తనిఖీ చేపట్టారు. వాహనంలో రూ. 3.50 లక్షల విలువ చేసే అక్రమ మద్యాన్ని గుర్తించారు. ముగ్గురు వ్యక్తులపై కేసు నమోదు చేసి దర్యాప్తు చేస్తున్నారు.

ఇదీ చూడండి: కుమార్తె కోసం చెరువునే కడిగేసిన తండ్రి..!