మందమర్రిలో సేఫ్టీ మేనేజ్​మెంట్​ శిక్షణ కేంద్రం

అత్యంత ఉన్నత ప్రమాణాలతో మంచిర్యాల జిల్లా మందమర్రిలో సేఫ్టీ మేనేజ్​మెంట్​ ట్రైనింగ్​ సెంటర్​ను ప్రారంభించారు. ఇది అంతర్జాతీయ శిక్షణ ప్రమాణాలతో శిక్షణ ఇవ్వడం జరుగుతుందని మందమర్రి ఏరియా జీఎం రమేశ్​ రావు తెలిపారు.

భారత్​లోనే అత్యంత ఉన్నతమైన ప్రమాణలతో కూడిన సేఫ్టీ మేనేజ్ మెంట్ ట్రైనింగ్ సెంటర్‌ను మంచిర్యాల జిల్లా మందమర్రిలో ఏర్పాటు చేశారు. రెండు కోట్లతో నిర్మించిన ఈ సింటార్స్​ భవనాన్ని మైన్స్ సేఫ్టీ డైరెక్టర్ జనరల్ ఆర్. సుబ్రమణియన్ హైదరాబాద్ నుంచి రిమోట్ కంట్రోలర్ ద్వారా ప్రారంభించారు.

ఆస్ట్రేలియాలోని సేఫ్టీ మైన్స్ టెస్టింగ్ అండ్ రీసెర్చ్ సెంటర్ అనుబంధంగా ఈ సింటార్స్​ భవనం​ నిర్వహించబడుతుందని.. మందమర్రి ఏరియా జీఎం రమేశ్​ రావు తెలిపారు. అంతర్జాతీయ ప్రమాణాలతో శిక్షణ ఇవ్వడం జరుగుతుందన్నారు. దేశంలోని బొగ్గు గనులలో ఎక్కడ లేనివిధంగా సెంట్రల్ ఫైర్ సిస్టం ఏర్పాటు చేసినట్లు పేర్కొన్నారు.

ఇవీ చూడండి: రాష్ట్ర వ్యాప్తంగా మున్సిపల్‌ కమిషనర్ల బదిలీ