కరోనా రాకుండా ప్రజలందరూ టీకా వేసుకుంటున్నారు. వైరస్ రాకూడదని, విజృంభించకూడదనే ఉద్దేశంతోనే అధికారులు.. ప్రజలను వ్యాక్సిన్ వేసుకోవాలని సూచిస్తున్నారు. ప్రజలు కూడా కొవిడ్ టీకా వేసుకునేందుకు ముందుకు వస్తున్నారు. అదేవిధంగా ఈనెల 6న మంచిర్యాల జిల్లాలోని నర్సాపూర్ గ్రామానికి చెందిన 5 నెలల గర్భిణి కరోనా టీకా తీసుకున్నారు. స్థానిక వైద్య సిబ్బంది ఆమెకు కోవిషీల్డ్ వ్యాక్సిన్ వేశారు.
ఈ నెల 9వ తేదీన ఆమెకు నొప్పి రావడంతో కుటుంబసభ్యులు అంబులెన్స్కు ఫోన్ చేశారు. వాహనం వచ్చే లోపు గర్భంలోని శిశువు చనిపోయిందని కుటుంబసభ్యులు ఆవేదన వ్యక్తం చేశారు. గర్భిణికి బలవంతంగా టీకావేశారని... టీకా కారణంగా ఈ ఘటన జరిగిందని ఆరోపించారు. వ్యాక్సినేషన్ వల్లనే అబార్షన్ అయ్యిందంటూ అంబులెన్స్లను అడ్డుకుని ఆందోళన చేశారు. పోలీసులు ఆందోళనకారులకు నచ్చజెప్పి ఆమెను చికిత్స కోసం మంచిర్యాల ప్రభుత్వాస్పత్రికి తరలించారు.
ఇదీ చూడండి: Pregnant Died: సకాలంలో వైద్యం అందక నిండు గర్భిణి మృతి
