మంచిర్యాల జిల్లా చెన్నూరు నియోజకవర్గంలోని మందమర్రి , చెన్నూర్, కోటపల్లి, జైపూర్, భీమారం మండలాల్లో రెండో విడత పోలింగ్ ప్రశాంతంగా ప్రారంభమైంది. సింగరేణి ప్రాంతం కావడం, ఎండ తీవ్రతతో ఉదయం 7 గంటలకే ఓటు వేసేందుకు ఓటర్లు భారీగా తరలి వచ్చారు. నియోజకవర్గంలో మొత్తం 37 ఎంపీటీసీ స్థానాలు ఉండగా అందులో మూడు ఏకగ్రీవం అయ్యాయి. మిగిలిన 34 స్థానాలకు ఎన్నికలు జరుగుతున్నాయి. 5 జడ్పీటీసీ స్థానాలకు 22 మంది, ఎంపీటీసీ బరిలో 130 మంది అభ్యర్థులు పోటీపడుతున్నారు. మొత్తం 202 పోలింగ్ కేంద్రాలను ఏర్పాటు చేశారు. మావోయిస్టు ప్రభావిత ప్రాంతం అయినందున సాయంత్రం నాలుగు గంటలకే పోలింగ్ ముగియనుంది.
మంచిర్యాల చెన్నూరులో పోలింగ్ సందడి
ఇదీ చదవండిః రెండో విడత పోలింగ్ ప్రారంభం
