చేయీ చేయీ కలిపారు... పేదింటి అమ్మాయి పెళ్లి చేశారు

ఇంటి పెద్ద అనారోగ్యం కారణంగా ఆ కుటుంబం పూర్తిగా అప్పుల ఊబిలో కూరుకుపోయింది. అందరూ కూలి చేస్తేనే ఆ కుటుంబం గడిచే పరిస్థితి. ఇదే సమయంలో పెళ్లికి ఎదిగిన కూతుర్ని వివాహం చేసుకునేందుకు దగ్గరి బంధువు ముందుకొచ్చాడు. ఆ పెళ్లి చేసే స్థోమత లేని కుటుంబానికి మేమున్నామంటూ అండగా నిలిచి వివాహం జరిపించారు.

మంచిర్యాల జిల్లా మందమర్రిలో జంగంపల్లి ఓదెలు-పద్మ దంపతుల కూతురైన అనూష వివాహాన్నిపలువురు దాతలు ఘనంగా జరిపించారు. పెళ్లి పెద్దలుగా మందమర్రి సీఐ ఎడ్ల మహేశ్​, ఎస్సై భూమేశ్​ రామకృష్ణాపూర్ ఎస్సై రవి ప్రసాద్, కాసిపేట ఎస్సై రాములు, పురపాలక కమిషనర్ రాజు, ఇంజినీర్​తో పాటు అనేక మంది స్వచ్ఛంద సంస్థ సభ్యులు, నాయకులు హాజరై నూతన వధూవరులను ఆశీర్వదించారు.

పంచముఖి హనుమాన్ ఆలయం యూత్ సభ్యులు రూ.2 లక్షలు, మేము సైతం స్వచ్ఛంద సంస్థ సభ్యులు రూ.35 వేలు విరాళంగా ఇవ్వగా... సీఐ మహేశ్​, ఎస్సై భూమేశ్​తో పాటు పలువురు మానవతావాదులు నాయకులు ముందుకు వచ్చి చేతనైనంత సాయం చేశారు.

ఇదీ చూడండి: దసరా తర్వాత బతుకమ్మ.. ఆ గ్రామ ఆనవాయితీ!