ఎండవేడికి పెట్రల్ సీసా నుంచి మంటలు
మంచిర్యాల జిల్లా మందమర్రిలో అగ్నిప్రమాదం జరిగింది. ఎండవేడికి రెండవ జూన్ మసీద్ పక్కనున్న తినుబండారాల దుకాణంలో నిల్వచేసిన పెట్రోల్ సీసాలో ఒక్కసారిగా మంటలు చెలరేగాయి. క్షణాల్లో దుకాణం మొత్తం అంటుకుంది. ఆ సమయంలో దుకాణంలో ఉన్న ఇద్దరు చిన్నారులు బయటకు పరుగులు తీసి ప్రమాదం నుంచి తప్పించుకున్నారు. మసీద్లో ప్రార్థనలు చేస్తున్నవారంతా బయటకు వచ్చి మంటలను అదుపు చేశారు. వారం రోజుల క్రితం ఇలాగే మరో దుకాణంలో ఎండవేడికి మంటలు చెలరేగాయని స్థానికులు తెలిపారు.
ఇవీచూడండి: రోహిణి కార్తె... భగ్గుమంటున్న భానుడు
