పెట్టిన పెట్టుబడి కూడా రాలేదనే దిగులుతో మరో అన్నదాత తనువు చాలించాడు. మంచిర్యాల జిల్లా కన్నెపల్లి మండలం జక్కాపూర్కు చెందిన మేడి శ్రీనివాస్(40) అనే రైతు పురుగుల మందు తాగి ఆత్మహత్యకు పాల్పడ్డాడు. గ్రామంలో మూడెకరాల తన సొంత పొలంతో పాటు... మరో మూడు ఎకరాల్లో వరి, పది ఎకరాల్లో పత్తి సాగు చేశాడు. పంటపై సుమారు నాలుగు లక్షల పెట్టుబడి పెట్టాడు.
అకాల వర్షాలకు పత్తి పంట దిగుబడి పూర్తిగా తగ్గిపోయింది. పెట్టిన పెట్టుబడి పూర్తిగా నీటిపాలైందని దిగులు మొదలైంది. తాను చేసిన అప్పుల నుంచి కోలుకోలేమోననే భయంతో... ఆ రైతు బలవంతంగా తనువు చాలించాడు. కేసు నమోదు చేసిన పోలీసులు... దర్యాప్తు ప్రారంభించారు.
