మంచిర్యాల జిల్లా బెల్లంపల్లి కాంగ్రెస్ కార్యాలయంలో మున్సిపల్ ఎన్నికల సమావేశం నిర్వహించారు. సమావేశానికి ముఖ్య అతిథిగా మాజీ ఎమ్మెల్సీ ప్రేమ్ సాగర్ రావు హాజరయ్యారు. పట్టణంలోని 34 వార్డుల అభ్యర్థుల ఎంపికపై చర్చించారు. ఎన్నికల సంఘంతో అధికార పార్టీ కుమ్మక్కైందని ఆరోపించారు.
గడిచిన 50 ఏళ్లల్లో రిజర్వేషన్లు ప్రకటించకుండా షెడ్యూల్ విడుదల చేయడం ఇదే మొదటిసారని ఎద్దేవా చేశారు. బెల్లంపల్లి మున్సిపాలిటీలో కాంగ్రెస్ జెండా ఎగరవేయాలని కార్యకర్తలకు సూచించారు. సమావేశంలో మాజీ ఎమ్మెల్యే శ్రీదేవి, మహిళా కాంగ్రెస్ రాష్ట్ర ప్రధాన కార్యదర్శి శారద, నియోజకవర్గ ఇన్ఛార్జి శంకర్, పట్టణ అధ్యక్షుడు కంకటి శ్రీనివాస్ పాల్గొన్నారు.
'బెల్లంపల్లిలో కాంగ్రెస్ జెండా ఎగరవేయాలి'
ఇదీ చూడండి: భారత తొలి సీడీఎస్గా బిపిన్ రావత్ నియామకం
