రాష్ట్ర వ్యాప్తంగా కరోనా వైరస్ విజృంభిస్తూ ప్రాణాలు బలితీసుకుంటోంది. తాజాాగా మంచిర్యాల జిల్లాలోని బెల్లంపల్లి ఐసోలేషన్ కేంద్రంలో వరుస కరోనా మరణాలు చోటు చేసుకుంటున్నాయి. 36 గంటల వ్యవధిలో 11 మంది కరోనా రోగులు మృతి చెందారు. బుధవారం ఉదయం 8 గంటల నుంచి ఇవాళ ఉదయం 8 గంటల వరకు 8మంది మృతి చెందారు.
ఇవాళ ఉదయం 8 నుంచి ఇప్పటివరకు ముగ్గురు మృతి చెందినట్లు వైద్యులు తెలిపారు. ఇటీవలె మత్తు వైద్యులతో పాటు ఛాతీ వైద్యుడు, టెక్నిషియన్ను అధికారులు నియమించారు. అయినప్పటికీ రోగులు భారీ సంఖ్యలో మృతి చెందడం కలవరపెడుతోంది. కుమురంభీం, మంచిర్యాల జిల్లాలకు చెందిన రోగులే ఇక్కడ చికిత్స పొందుతున్నారు. ప్రైవేట్ ఆస్పత్రిలో చికిత్స పొంది చివరి నిముషంలో ఐసోలేషన్ కేంద్రానికి వస్తున్నట్లు వైద్యులు వెల్లడించారు. అప్పటికే పరిస్థితి విషమించి పోతుందని.. వారి కాపాడలేకపోతున్నామని తెలిపారు.
ఇదీ చూడండి: కొవిడ్ టీకా స్లాట్‌ బుకింగ్‌లో ఇక్కట్లు
