భర్త చనిపోయినా ఓటేసి ఆదర్శంగా నిలిచిన ఉమ

భర్త చనిపోయిన బాధలో ఉన్నప్పటికీ... రాజ్యాంగం కల్పించిన ఓటు హక్కు వినియోగించుకోవాలనే ఉద్దేశంతో పోలింగ్ కేంద్రానికి చేరుకుంది. ఓటేసి ఎంతో మందికి ఆదర్శంగా నిలిచింది ఉమ.

మహబూబ్ నగర్ జిల్లా దేవరకద్ర నియోజకవర్గంలో 6 మండలాల్లో జడ్పీటీసీ, ఎంపీటీసీ ప్రాదేశిక ఎన్నికలు కొనసాగుతున్నాయి. ఓటర్లు తమ ఓటు హక్కును స్వేచ్ఛగా వినియోగించుకుంటున్నారు. ఓ మహిళ భర్త చనిపోయినప్పటికీ... మృతదేహం ఇంట్లోనే ఉన్నా.. ఓటేసేందుకు వచ్చింది. ఓటు ప్రాధాన్యతను తోటి ఓటర్లకు తెలిపి ఆదర్శంగా నిలిచింది.

దేవరకద్రకు చెందిన శ్రీనివాసులు కుటుంబం ఉపాధి నిమిత్తం హైదరాబాద్​లో నివసిస్తున్నారు. ఎన్నికలు ఉన్నందున గురువారం స్వగ్రామానికి వచ్చి అస్వస్థతకు గురయ్యాడు. విషయం గమనించిన స్థానికులు ఆస్పత్రికి తీసుకెళ్లారు. వైద్యుల సూచన మేరకు మెరుగైన చికిత్స కోసం హైదరాబాద్ తీసుకెళ్లేలోపే శ్రీనివాసులు మృతి చెందాడు. శోకసముద్రంలోనూ ఆ కుటుంబ సభ్యులు పోలింగ్​లో పాల్గొనడాన్ని గ్రామస్థులంతా అభినందించారు.

ఇవీ చదవండి: ఓటేయడానికి వైకల్యం అడ్డుకాదని నిరూపించిన విఘ్నేష్