శ్రీశైలం జలాశయానికి కొనసాగుతోన్న వరద ప్రవాహం

శ్రీశైలం జలాశయానికి వరద ప్రవాహం కొనసాగుతోంది. అధికారులు 10 గేట్ల ద్వారా 3.7 లక్షల క్యూసెక్కుల నీటిని దిగువకు విడుదల చేశారు.

శ్రీశైలం జలాశయానికి వరద ప్రవాహం కొనసాగుతోంది. ప్రాజెక్ట్​ ఇన్‌ ఫ్లో 3,98,769 క్యూసెక్కులు ఉండగా.. ఔట్​ ఫ్లో 4,32,026 క్యూసెక్కులుగా ఉంది. ఫలితంగా అధికారులు 10 గేట్లను ఎత్తి 3,71,230 క్యూసెక్కుల నీటిని దిగువకు విడుదల చేస్తున్నారు.

ప్రాజెక్ట్ పూర్తి స్థాయి నీటి మట్టం 885 అడుగులు కాగా.. ప్రస్తుత నీటి మట్టం 883.30 అడుగులకు చేరింది. పూర్తి స్థాయి నీటి నిల్వ 215.80 టీఎంసీలు కాగా.. ప్రస్తుత నీటి నిల్వ 206.09 టీఎంసీలుగా ఉంది.