మహబూబ్ నగర్ జిల్లా అడ్డాకుల మండలం వర్ని వద్ద 5 కోట్ల రూపాయలతో నిర్మించిన చెక్ డ్యాంలో గంగమ్మ తల్లికి ఎమ్మెల్యే ఆల వెంకటేశ్వర్ రెడ్డి పూజలు చేశారు. పసుపు, కుంకుమ, పూలు అందులో చల్లి హారతి ఇచ్చారు. నియోజకవర్గంలో 60 కోట్ల రూపాయలతో 18 చెక్ డ్యాంల నిర్మాణానికి నిధులు మంజూరయ్యాయని ఎమ్మెల్యే తెలిపారు.
ఊకచెట్టు వాగుపై 9, పెద్ద వాగుపై 9 ప్రాంతాల్లో వీటి నిర్మాణాలకు ప్రణాళికను సిద్ధం చేసినట్లు ఎమ్మెల్యే వెంకటేశ్వర్ రెడ్డి వెల్లడించారు. ఇప్పటి వరకు మొత్తం 9 నిర్మాణాలు పూర్తయినట్లు ఆయన వివరించారు. సకాలంలో వర్షాలు కురవడంతో చెక్ డ్యాంలో జలకళ సంతరించుకుందన్నారు. రైతుల సంక్షేమానికి రాష్ట్ర ప్రభుత్వం నిరంతరం కృషి చేస్తోందని ఎమ్మెల్యే వెంకటేశ్వర్ చెప్పారు.
ఇవీ చూడండి: 'ఒక్కసారి మా నాన్నను చూడనివ్వండి.. ప్లీజ్'
