మహబూబ్ నగర్ జిల్లా కొడంగల్ నియోజకవర్గంలో మంత్రి సబితా ఇంద్రారెడ్డి పర్యటించారు. వచ్చే మూడు నెలల్లో కొడంగల్ నియోజకవర్గ రూపురేఖల్ని మారుస్తామని అన్నారు. నియోజకవర్గంలోని కొడంగల్, బొమ్మరాసిపేట మండలాల్లో మంత్రి పలు అభివృద్ధి పనులకు శంకుస్థాపన చేశారు. కొడంగల్ నియోజకవర్గ అభివృద్ధికి సీఎం కేసీఆర్ ప్రత్యేక చొరవ చూపుతున్నారని మంత్రి అన్నారు.
ఇప్పటికే పెండింగ్లో ఉన్న డిగ్రీ కళాశాల భవనం,మినీ ట్యాంక్బండ్ నిర్మాణం, దౌల్తాబాద్ మండలంలోని జూనియర్ కళాశాల నిర్మాణం , క్రోసూరు మండల కేంద్రంలో బస్డిపో తదితర నిర్మాణాలతో పాటు.. పెండింగ్లో ఉన్న పనులన్నింటినీ వచ్చే మూడు నెలల్లో పూర్తి చేస్తామని మంత్రి అన్నారు. బొమ్మలరాసిపేట మండల కేంద్రంలో రైతు వేదిక నూతన భవన నిర్మాణానికి మంత్రి శంకుస్థాపన చేశారు. ఈ కార్యక్రమంలో ఎమ్మెల్యే పట్నం నరేందర్ రెడ్డి, మాజీ ఎమ్మెల్యే గురునాథ్ రెడ్డి, కొడంగల్ మున్సిపల్ ఛైర్మన్ జగదీశ్వర్ రెడ్డి, సర్పంచులు, ఎంపీటీసీలు పాల్గొన్నారు.
ఇవీ చూడండి: కరోనా నిర్ధారణ కోసమెళ్తే.. అంటుకునేలా చేస్తున్నారు!
