నివర్ తుఫాన్ వల్ల జిల్లావ్యాప్తంగా వర్షాలు కురిసే అవకాశం ఉన్నందున అధికారులు, రైతులు అప్రమత్తంగా ఉండాలని మహబూబ్నగర్ జిల్లా కలెక్టర్ వెంకట్రావు సూచించారు. జిల్లాలోని రాజాపూర్ మండల కేంద్రంలోని వరిధాన్యం కొనుగోలు కేంద్రాన్ని ఆయన సందర్శించారు.
రైతులు తీసుకొచ్చిన ధాన్యం వర్షంలో తడవకుండా టార్పాలిన్లను సిద్ధం చేయాలని తెలిపారు. పొలాల్లో పంటను రైతన్నలు కాపాడుకునేలా వారిని అప్రమత్తం చేయాలని అధికారులను ఆదేశించారు. జిల్లాలోని తుఫాన్ పరిస్థితిపై ఎప్పటికప్పుడు సూచనలు ఇస్తూ నష్టనివారణ చర్యలు చేపట్టాలని పాలనాధికారి వెల్లడించారు.
