'మంత్రి అనుచరుల నుంచి ప్రాణహాని ఉందని తేలితే.. రక్షణ కల్పించండి'

మంత్రి శ్రీనివాస్​గౌడ్​ అనుచరుల నుంచి ప్రాణహాని ఉందని మహబూబ్​నగర్​కు చెందిన రాఘవేంద్రరాజు అనే వ్యక్తి చేసిన ఫిర్యాదును హెచ్​ఆర్​సీ స్వీకరించింది. ఏప్రిల్​ 15లోగా సమగ్ర నివేదిక ఇవ్వాలని జిల్లా ఎస్పీకి ఆదేశాలు జారీ చేసింది.

మహబూబ్​నగర్​కు చెందిన రాఘవేంద్ర రాజు అనే వ్యక్తి ఇచ్చిన ఫిర్యాదును పరిగణలోకి తీసుకున్న రాష్ట్ర మానవ హక్కుల కమిషన్ పూర్తిస్థాయి విచారణ జరపాలని ఆ జిల్లా ఎస్పీకి ఆదేశాలు జారీచేసింది. పిటిషన్​దారు చేసిన ప్రతి అభియోగంపై సవివరంగా విచారణ జరిపి.. ఏప్రిల్ 15లోపు తమకు నివేదిక సమర్పించాలని ఆదేశించింది.

ఫిర్యాదుదారు ఆరోపించినట్లుగా మంత్రి శ్రీనివాస్​గౌడ్​కు సంబంధించిన వ్యక్తుల నుంచి అతనికి ప్రాణహాని ఉన్నట్లుగా ఆధారాలు దొరికితే.. తక్షణమే పోలీసు రక్షణ కల్పించాలని స్పష్టం చేసింది.