Union Budget 2025 Goods Price : కేంద్ర ఆర్థిక మంత్రి నిర్మలా సీతారామన్ శనివారం లోక్సభలో ప్రవేశపెట్టిన బడ్జెట్లో రోజువారీ అవసరాలకు కీలకమైన పలు ఉత్పత్తులు, వస్తువులపై బేసిక్ కస్టమ్స్ డ్యూటీ (బీసీడీ)లో అనేక మార్పులు ప్రతిపాదించారు. అందులో భాగంగా క్యాన్సర్, అరుదైన వ్యాధులు, దీర్ఘకాల వ్యాధులకు ఉపయోగించే డ్రగ్స్, ఔషధాలపై కస్టమ్స్ డ్యూటీని పూర్తిగా తొలగించారు. దీంతో 36 రకాల ఔషధాల ధరలు తగ్గనున్నాయి. అంతేకాకుండా ఎలక్ట్రిక్ వాహనాల్లో ఉపయోగించే లిథియం అయాన్ బ్యాటరీలు, క్యారియర్ గ్రేడ్ ఈథర్నెట్ స్విచ్లు, దిగుమతి చేసుకున్న ప్రీమియం కార్లు, మోటార్ సైకిళ్లు వంటి వాటి ధరలు తగ్గనున్నాయి. ఇక, పూర్తి యూనిట్గా దిగుమతి చేసుకున్న ఇంటరాక్టివ్ ఫ్లాట్ ప్యానెల్ డస్ప్లేలు (టచ్ స్క్రీన్లు), నిట్టెడ్ ఫ్యాబ్రిక్స్ వంటి వాటి ధరలు పెరిగాయి.
ధరలు తగ్గేవి
- 40,000 యూఎస్ డాలర్లు కంటే ఎక్కువ ధర లేదా 3,000 cc కంటే ఎక్కువ ఇంజిన్ సామర్థ్యం కలిగిన దిగుమతి చేసుకున్న కార్లు
- 1600cc లోపు లేదా ఆపై ఇంజిన్ సామర్థ్యం కలిగిన పూర్తి యూనిట్గా (కంప్లీట్లీ బిల్ట్ యూనిట్-సీబీయూ) దిగుమతి చేసుకున్న మోటార్‌సైకిళ్లు
- 1600cc లోపు లేదా ఆపై ఇంజిన్ సామర్థ్యం కలిగిన సెమీ-నాక్డ్ డౌన్(ఎస్కేడీ) రూపంలో దిగుమతి చేసుకున్న మోటార్‌సైకిళ్లు
- 1600cc లోపు లేదా ఆపై ఇంజిన్ సామర్థ్యం కలిగిన కంప్లీట్లీ-నాక్డ్ డౌన్ రూపంలో దిగుమతి చేసుకున్న మోటార్‌సైకిళ్లు
- 10 లేదా అంతకంటే ఎక్కువ మంది రవాణా కోసం దిగుమతి చేసుకున్న వాహనాలు
- ఎలక్ట్రానిక్ బొమ్మల విడిభాగాలు
- ఆహారం, పానీయాల పరిశ్రమలలో ఉపయోగించే సింథటిక్ ఫ్లేవర్ ఎసెన్స్‌లు, మిశ్రమాలు
- ఆభరణాల వస్తువులు, స్వర్ణకారులు, వెండి పనులు చేసేవారి సామాను
- క్యారియర్ గ్రేడ్ ఈథర్నెట్ స్విచ్లు
ధరలు పెరిగేవి ఇవే
- స్మార్ట్ మీటర్లు
- సోలార్ సెల్స్
- దిగుమతి చేసుకున్న ఫుట్వేర్
- దిగుమతి చేసుకున్న క్యాండిల్స్, టేపర్స్
- దిగుమతి చేసుకున్న యాట్(ఒక రకమైన పడవ), వెసెల్స్
- పీవీసీ ఫ్లెక్స్ ఫిల్మ్స్, పీవీసీ ఫ్లెక్స్ షీట్స్, పీసీవీ ఫ్లెక్స్ బ్యానర్
- దిగుమతి చేసుకున్న నిట్టెడ్ ఫ్యాబ్రిక్స్
- ఇంటరాక్టివ్ ఫ్లాట్ ప్యానెల్ డిస్ప్లేలు(పూర్తి యూనిట్గా దిగుమతి చేసుకుంటే)
అంతేకాకుండా వెట్బ్లూ లెదర్, క్రస్ట్ లెదర్పై కస్టమ్స్ డ్యూటీ నుంచి కేంద్రం మినహాయింపు ఇచ్చింది. ఫ్రొజెన్ ఫిష్ పేస్ట్ (సురిని)పై కస్టమ్స్ డ్యూటీని 30శాతం నుంచి 5శాతానికి తగ్గించింది.
