పేదింట్లో జొన్నరెట్టె తిన్న జూపల్లి

ఎన్నికలపుడు రాజకీయ నాయకులు ఇంటికి వచ్చి వంట చేయడం, సామాన్య మధ్య తరగతి ప్రజల ఇంట్లో తినడం షరా మామూలే. కానీ ఓ మాజీ మంత్రి ఓ పేదింటి మహిళ చేసిన జొన్న రొట్టెలు తిని బాగున్నాయంటూ ప్రశంసించారు.

మహబూబ్​నగర్ జిల్లా కొల్లాపూర్ పట్టణంలోని 12 వార్డులో మాజీ మంత్రి జూపల్లి కృష్ణారావు ఉదయం పర్యటించారు. ఇంటింటికీ తిరిగి ప్రజల సమస్యలు అడిగి తెలుసుకున్నారు. ఇదే సమయంలో జొన్న రొట్టెలు చేస్తున్న ఓ మహిళను జూపల్లి పలకరించారు. మాజీ మంత్రి తన ఇంటికి వచ్చిన ఆనందంతో జూపల్లికి ఆమె జొన్న రొట్టెలు పెట్టారు. ఆయన రొట్టెలు తిని భలే రుచిగా ఉందని పొగిడారు. ఓ సాధారణ మహిళ ఇంట్లో రొట్టెలు తింటున్న వీడియో, ఫొటోలు సామాజిక మాధ్యమాల్లో హల్​చల్​ చేశాయి.

ఇవీ చూడండి: "కోమటిరెడ్డి నిరూపిస్తే నేను రాజీనామా చేస్తా"