దిగివచ్చిన ఉల్లి... వినియోగదారుల హర్షం

ఇన్నాళ్లు ఉల్లి ధరలు మండిపోయాయి. ఇప్పుడు కొత్త ఉల్లి రాకతో... ధరలు దిగివస్తున్నాయి. కోతకొచ్చిన ఉల్లిని మహబూబ్​నగర్ జిల్లాలోని వివిధ ప్రాంతాల రైతులు దేవరకద్ర వ్యవసాయ మార్కెట్​లో విక్రయానికి తీసుకురావడం వల్ల ఉల్లి రాశులతో కళకళలాడింది.

మహబూబ్​నగర్​ జిల్లా దేవరకద్ర వ్యవసాయ మార్కెట్​లో ప్రతి బుధవారం ఉల్లి క్రయవిక్రయాలు జరుగుతాయి. కొత్త ఉల్లి కోతకు రావడం వల్ల వివిధ ప్రాంతాల్లో సాగు చేసిన రైతులు దేవరకద్ర వ్యవసాయ మార్కెట్​లో విక్రయానికి తీసుకువచ్చారు. దీనితో మార్కెట్​ ఉల్లి రాశులతో కళకళలాడింది.

సుమారు వెయ్యి బస్తాల ఉల్లికి మార్కెట్​ వర్గాలు వేలంపాట నిర్వహించారు. ఉల్లి నాణ్యతను బట్టి... కనిష్టంగా క్వింటాకు 1,510 రూపాయల నుంచి 2250 రూపాయల వరకు కొనసాగింది. ఉల్లి ధరలు కాస్త దిగి రావడం వల్ల వినియోగదారులు ఆనందం వ్యక్తం చేస్తున్నారు.

ఇవీ చూడండి: 'వారి గాథలు వినడం కాదు... మనమే చరిత్ర సృష్టించాలి