ముఖ్యమంత్రి కేసీఆర్ ఉమ్మడి మహబూబ్నగర్ జిల్లా పర్యటనలో భాగంగా ప్రాజెక్టుల సందర్శన అనంతరం వనపర్తి జిల్లా ఏదులలో ఏర్పాటు చేసిన సమావేశంలో పాల్గొన్నారు. జిల్లా నుంచి 13 ఎమ్మెల్యే, రెండు ఎంపీ, ఐదు జడ్పీ ఛైర్మన్ స్థానాలను తెరాసకు అందించి పార్టీని ప్రజలు గుండెల్లో పెట్టుకున్నారని ముఖ్యమంత్రి అన్నారు. నూటికి నూరుశాతం పాలమూరు- రంగారెడ్డి ప్రాజెక్టును పూర్తిచేస్తామని హామీ ఇచ్చారు. పాలమూరు-రంగారెడ్డి నుంచి నారాయణపేటకు నీళ్లిచ్చే కాల్వను పెద్దదిగా చేసి బీమా, సంగంబండ నుంచి జూరాలకు నీళ్లిస్తామని ముఖ్యమంత్రి కేసీఆర్ అన్నారు. ఏడాది మొదటి దశలోనే కరివేన జలాశయం వరకు నీరందించే ఏర్పాట్లు చేస్తామని హామీ ఇచ్చారు. రెండోదశలో లక్ష్మీదేవిపల్లి, ఉదండాపూర్ జలాశయాలు పూర్తిచేస్తామని స్పష్టం చేశారు. పాలమూరును పాలుగారే ఊరుగా మారుస్తామని ముఖ్యమంత్రి వరాల జల్లులు కురుపించారు.
ఇదీ చూడండి: ఇంజినీర్లతో సమీక్షించిన సీఎం కేసీఆర్
